انا الغلبانه … قصيدة نثرية كتبتها الشاعر المصرية الصاعدة شهد رضا

0

انا الذكرى فى كل مكان

فى احلامك .. فى احضانك

فى خط القهوة فى الفنجان

انا العايشه فى وجدانك

بلا عنوان

وانا المسجونه فى احزانك

وانا السجانه

انا اللى فيك تاه عمرى

انا المغلوبه على امرى

انا الليل اللى اوله آآه

انا المعنى اللى مش حساه

انا الغنوة اللى كات فيك

وف عنيك انا الغلبانه

انا السلطانه

انا السلطانه فى اوطانك

وانا العايشه بلا اوطان

انا اللى مصيرى اكون جرحك

وانا المجروحه فى كل مكان

انا الغربة اللى مش بتمر

وانا اللى داقت فى شهدك مر

انا الرحلة وانا الرحال

انا الشيلة وانا الشيال

انا بكرة اللى تاه فيك

وف عنيك ..

انا الغلبانه

اترك رد

لن يتم نشر عنوان بريدك الإلكتروني.