شهد زكريا تكشف الستار عن احدث قصائدها النثرية : “عايش أرض غير ارضك”

الكاتبة الصاعدة : شهد رضا

1

تيفي24 / الرباط

مساء الخير

يا ضارب ف الصخور بايديك

وراضي بالوجع فرضك

وراسم حلم جوة عنيك

وعايش أرض

غير ارضك !

وماشي ف البلاد سواح

جميع الخلق بتعارضك

وكل ما تطلب الافراح ··

تلاقي الحزن بيطاردك

مساء الخير،،

لركن الدمع ف عيونك

وخانة الحزن ف بطاقتك

يانايم وانت بتعيط··

وشايل حمل فوق طاقتك

ومتحمل

وبتكمل برغم الضيق !

بتمشي طريق

في مشوارك

عنيك ناظرة لبكرة الجاي

وحزنك ناي

بيعزف لحن اوتارك !

مساء الخير

لايامك

لاحلامك

علي الذكري

كفاية عزاب !

دا فيه بكرة وفيه أسباب

في علم الغيب وكلة نصيب

وفيه فرحة هتجي اكيد

وفيه مواعيد

ميعلمهاش غير المولي

دا عارف امتي تبقي سعيد

ومين يفرح عشان اولي

ومين يفضل بيتالم

ومين من المة يتعلم

ومين ربك ف وسط الضيق

تملي معاه ماسك ايدة

ومين افراحة هتضرة

ومين احزانة هتفيدو

ومين باقي حزين موجوع

ومين همة أمر ينزاح !

ومين من صدمتة بيضحك

ومين دمع عشان يرتاح !

ومين مستنكر المقسوم

عشان خسران راحة بالة

ومين صابر ومين محروم ؟

ومين مش عاجبة احوالة

مساء الخير

علي جروحك

يا شايل في الهوي روحك

وبتعافر

مسيرك بكرة هتسافر

لارض الفرح والجنة

هتتاني عشان تختار

وتأخد فوق ما تتمني !

هتاخد وحدتك لمة

هتاخد فرقتك ضمة

هتضحك ضحك هستيري

عشان عيطت كذا مرة

مفيش ولا حاجة هتبكي

مفيش م الحزن ولا ذرة !

هتاخد حضن يشبهلك

هتاخد بردو حنية

مساء الورد لعيونك

مسائك راحة ابدية

تعليق 1
  1. Fatma يقول

    جامدة اووى بجد

اترك رد

لن يتم نشر عنوان بريدك الإلكتروني.